Аптап ыстықта жан бағудың 5 тәсілі
«Қазгидрометтің» мәліметінше, 20 шілдеден бастап ай соңына дейін Қазақстанның басым бөлігінде ауа температурасы +45 градусқа дейін көтеріледі. Мұндай кезде ағзаға түсетін жүктемені азайтудың бес жолын ұсынамыз.
Желдеткіш орнатыңыз
Желдеткіш кондиционерден әлдеқайда арзан, еденге қойылатын үлгілерінің бағасы 10 мың теңгеден басталады. Таңертең және кешке желдеткіш үшін ең қолайлы орын — терезенің жаны, ол бөлмеге қарағанда көшеден салқын ауаны тартады.
Ылғалдағышты кондиционермен бірге пайдаланыңыз
Кондиционер бөлмені салқындатады, бірақ ауаны құрғатады. Егер ауа ылғалдатқышын қатар пайдалансаңыз, бөлмедегі микроклимат сөзсіз оңтайлы болады. Ауаны тиімді салқындату үшін «суық булану» арқылы жұмыс істейтін ультрадыбыстық немесе дәстүрлі ылғалдандырғыштар жақсырақ.
Суды көбірек ішіңіз
Қаншалықты қарапайым көрінсе де, су салқындату үшін ең қолжетімді ресурс болып қала береді. Тәулігіне орташа температурада термен бірге адам шамамен бір литр сұйықтық жоғалтады. Ыстықта бұл шығын күрт артады, егер оның орны толмаса, ағзада сусыздану басталады.
Дәрігерлер бөлме температурасындағы газсыз, қарапайым суды ішуге кеңес береді. Рас, тәтті газдалған сусындарға, сондай-ақ денені көбірек құрғататын шай мен кофеге әуес болмау керек.
Мұз массажы
Мұздың екі бөлігін алыңыз да, маңдайыңыз бен мойыныңызды айналмалы қозғалыстармен ақырын уқалаңыз. Қан қысымын реттейтін нүктелер бар желке астындағы шұңқырға мұз жағу да салқындауға көмектеседі. Бірақ бірнеше секундқа ғана. Мұз жоқ болса, бірнеше рет пайдалануға болатын салқындатқыш гельді қолдануға болады. Бірақ оны алдымен мұздатқышқа қою керек. Сондай-ақ сергітетін душ қабылдауға болады.
Табиғи матадан жасалған кең киім киіңіз
Ыстықта тығыз синтетикалық киімдерден бас тартып, оны кең шалбар, жейде, үлкен футболка, ұзын көйлек және мақта юбкамен ауыстырған дұрыс. Мұндай киімдер ауа циркуляциясына, денені салқындатуға көмектеседі. Сондай-ақ күндіз далаға шыққанда баскиім киюді ұмытпаңыз.